Во новата година би започнале со промоција на еден млад Dj, кој вие го изгласавте со доволно гласови за да влезе во финале за најдобар Dj во изминатата 2009 година - Atomic Kirko.

Александар Кирковски а.к.а Atomic Kirko е роден во Битола 1991 година. И покрај што неговата фамилија не била заинтересирана за музиката, тој покажал интерес за музика со агресивни звуци. Од 2002-ра година се занимава со електронска музика. Неговата страст е да свири Француски стил на електронска музика со агресивни звуци и дисторзии.

Инспириран од Француските DJи и негови идоли како Daft Punk, Mr. Oizo, SebastiAn, Justice, Boys Noize, Siriusmo и многу други кои не се од Франција како Soulwax, Laidback Luke, Kraftwerk, внесува голема енергија во неговите сетови. Во 2008 тој реши да се пријави на првиот натпревар за DJ организиран од Bitolaclubbing. На 31.12.2009 како најмлад учесник, тој ја добива највисоката оценка од судиите и победува на истиот натпревар. Неговиот микс исполнет со добро миксање и electro звуци ја придобива и публиката и судиите.

По неговото промовирање во Bitolaclubbing Promo&Booking Agency, настапуваше со добро познатиот DJ Tarkan од Турција. Следната година 2009 излегува и неговата прва трака наречена F5 во EP на неговиот добар другар T.A.S.E.V. за U.S.B Digital Label, која што беше на второто место во Top Download на Beatport во истиот Label. Бидејќи е сеуште млад ,во иднина се очекува многу повеќе од него.

За да слушнете дел од неговиот Indie Dance стил, можете тука да го Download-ирате неговиот последен LiveDj сет.